Slide toggle

Categoría: FORO

MÚSICA E PATRIMONIO NO MOSTEIRO DE ACIVEIRO

Música e patrimonio volven darse a man grazas ao programa  “Música no Ar” da Deputación de Pontevedra, que trouxo onte ao claustro do mosteiro de Aciveiro, a actuación en vivo da Orquestra 430 de Vigo, cuarteto clásico de corda. Grazas ao público asistente que puido disfrutar do evento e tamén a colaboración do Concello de Forcarei e da Deputación de Pontevedra, neste marabillosa viaxe pola música nun espazo de interese cultural. Coa máxima de dar a coñecer o noso patrimonio a través da música de raíz e tradición culta, levando a excelencia a este noso recuncho, o MOSTEIRO DE ACIVEIRO.

INFORMACIÓN CONCERTO DÍA 12 DE SETEMBRO

         O día 12 de  setembro, ás 19:00 H., organizado  pola Excma.  Deputación de Pontevedra, está programado un concerto de música de cámara no recinto do mosteiro de Aciveiro:

         Intérpretes: Cuarteto de corda da Orquestra Vigo 430

         Programa: Cuarteto  Op. 76 Nº 4 (” Sunrise”, Amencer).  J. Haydn

                                  Op. 96 (“Cuarteto americano”). A.  Dvoř ák

         Aqueles/as socios/as que desexen asistir ao concerto poderán solicitalo, antes do día 30 de Agosto, na dirección e-mail: amigosaciveiromontes@gmail.com   Asunto: Concerto. A Asociación tratará de  xestionar  as solicitudes  coa empresa organizadora.

INFORMACIÓN DOS TRES CONCERTOS DO CUARTETO DE CORDA DA 430 DE VIGO
Intérpretes: Sara Areal (violín I), Andrea Rubio (violín II), Javier Escobar (viola) e
Isabel Figueroa (violoncello).
O cuarteto de corda da Orquestra Vigo 430 traeranos nestes concertos dúas
obras mestras deste xénero da música de cámara, como son o cuarteto Op.76
Nº 4 de Haydn, apodado “Sunrise” (Amencerl) e o Op. 96 de Dvořák, máis
coñecido polo sobrenome de “Cuarteto americano”.
O cuarteto de Haydn debe o seu nome aos seus primeiros compases, un dos
máis extraordinarios comezos de todo o repertorio camerístico. Sendo Haydn
realmente o creador do formato do cuarteto de corda, esta é unha das súas
obras máis acabadas, o que é dicir realmente moito.
Franz Joseph HAYDN (1732-1809). Cuarteto en si bemol maior, op.76 nº4
(Hob.III.78) “Amencer”
1. Allegro con spirito
2. Adagio
3. Menuetto (Allegro)
4. Allegro ma non troppo
O cuarteto de Dvořák é a máis célebre partitura camerística do compositor
checo. Ten a particularidade de que a compuxo durante a súa estancia no
estado americano de Iowa, moi influído polo folclore circundante a pesar de
non ocultar as súas raíces bohemias.
Antonin Dvořák (1841-1904). Cuarteto nº 12, en fa maior, “Americano” op.96,
B.179
1. Allegro ma non troppo
2. Lento
3. Molto vivace
4. Vivace ma non troppo

CULTURGAL.

A Asociación foi convidada a presentar, na caseta da Deputación Provincial de Pontevedra e no apartado ” Micropresentacións dos concellos da provincia de Pontevedra“, a memoria de actividades de 2019.

VÍDEO ACIVEIRO. IX SÉCULOS DE HISTORIA

Exposición Parcelas interiores de Basilisa Fiestras, sala de exposicións Mosteiro de Aciveiro

 Permanecerá aberta ao público dende o día 8 de setembro ata o 20 de outubro.

APERTURA: SÁBADO, DOMINGO E FESTIVOS

HORARIO: 11:00-13:30H.   17:00-19:30H.

VISITAS GUIADAS TERCEIRO DOMINGO DE MES, DENDE MAIO ATA OUTUBRO.

CADA TERCEIRO DOMINGO DE MES, DENDE MAIO ATA OUTUBRO, REALIZARANSE, A CARGO DE MANUEL VILLAVERDE OU CAMILO FERNÁNDEZ CORTIZO,   VISITAS GUIADAS POLA IGREXA E O RECINTO MONÁSTICO.

HORA: 17: 00

PROGRAMACIÓN CULTURAL DO VERÁN. AGOSTO 2019. EXPOSICIÓNS: A ARTE NAS POSTAIS ANTIGAS de Xosé María Barreiro e OBRA EN MADEIRA de Vicente Cortizo

ESTE 4 DE AGOSTO, A ASOCIACIÓN AMIGOS DO MOSTEIRO DE ACIVEIRO E TERRA DE MONTES, ACABA  DE INAUGURAR UNHA EXPOSICIÓN QUE COMBINA A MOSTRA DE POSTAIS PINTADAS DA COLECCIÓN DO PINTOR JOSÉ MARÍA BARREIRO GÓMEZ E PEZAS DE ESCULTURA EN MADEIRA DE VICENTE CORTIZO.

A MOSTRA PERMANECERÁ ABERTA AO PÚBLICO TODO O MES DE AGOSTO. 
APERTURA: SÁBADO, DOMINGO E FESTIVOS.
HORARIO: 11:00 – 13: 30 H.
                    17:00 – 19:30 H.

EXPOSICIÓN DE FOTOGRAFÍA ” DE ONTE A HOXE”

DENTRO DA PROGRAMACIÓN CULTURAL DO VERÁN ( XULLO 2019).   A ASOCIACIÓN AMIGOS DO MOSTEIRO DE ACIVEIRO  E TERRA DE MONTES VÉN DE REALIZAR UNHA EXPOSICIÓN FOTOGRÁFICA ” DE ONTE A HOXE”.  A MOSTRA RECOPILA 40 IMAXES DENDE A PRIMEIRA DÉCADA DO SÉCULO XX ATA A ACTUALIDADE.

Día Internacional do Patrimonio Mundial Cultural e Material

A Asociación de Amigos do Mosteiro de Aciveiro e Terra de Montes celebrou o sábado 17 de novembro o Día Internacional do Patrimonio Mundial Cultural e Material realizando unha visita guiada e comentada polas instalacións do conxunto monástico, Igrexa e Mosteiro de Aciveiro que, ao longo de VII séculos (1135-1835), foi o maior expoñente cultural destas terras. Dita visita foi dirixida, non só aos veciños/as de Aciveiro  e  Terra de Montes, senon a todas aquelas persoas que desexaron acompañarnos neste percorrido histórico.

 

Enlace imaxes visita guiada: https://goo.gl/KgdE9J

Día Internacional do Patrimonio Mundial Cultural e Material

Día Internacional do Patrimonio Mundial Cultural e Material

A Asociación de Amigos do Mosteiro de Aciveiro e Terra de Montes pretende celebrar o Día Internacional do Patrimonio Mundial Cultural e Material o próximo día 17 de novembro ás 17:00 horas cunha visita guiada e comentada polas instalacións do conxunto monástico, igrexa e mosteiro que, ao longo de VII séculos (1135-1835), foi o maior expoñente cultural destas terras. Dita visita vai dirixida, non só aos veciños/as de Aciveiro e Terra de Montes, senón a todas aquelas persoas que desexen acompañarnos neste percorrido histórico.

¡Esperamos a súa asistencia!