A ASOCIACIÓN AMIGOS DO MOSTEIRO DE ACIVEIRO E TERRA DE MONTES CONMEMORA O DÍA DAS LETRAS GALEGAS
A Asociación Amigos do Mosteiro de Aciveiro e Terra de Montes conmemora o Día das Letras Galegas 2018 coa publicación, na súa recentemente estreada páxina web, cunha semblanza biográfica e literaria de Xosé Otero Espasandín (1900-1987), natural de Sta. Baia de Castro (Cerdedo). Mestre de profesión e “misioneiro” nas Misións Pedagóxicas en Galicia (1933 e 1935), poeta, ensaísta, articulista en xornais e revistas, foi ademais no seu longo exilio recoñecido autor de obras de divulgación científica, tradutor e editor. Amigo de Rafael Dieste, Manuel Colmeiro, Luís Seoane, etc. viviu exiliado cincuenta e dous anos, en Inglaterra, Arxentina, Estados Unidos, ata a súa morte en Washington en 1987, sen retornar ao seu Castro natal.
Noraboa Ritiña…ben merecido que tes ese recoñecemento da xente da túa fermosa terra. Apertas dende compostela